Шупашкарти коопераци институтĕнче раштавăн 7-мĕшĕнче «Граждан обществи, çав шутра çамрăксем тата студентсем, коррупци паларамĕсемпе кĕрешме тата профилактикăлама хутшăнни» ятпа «çавра сĕтел» иртнĕ.
Мероприятие Чăваш Республикин прокуратурин тата Раççей коопераци университечĕн Шупашкарти филиалĕн ĕçтешлĕх килĕшĕвне тĕпе хурса йĕркеленĕ. «Çавра сĕтеле» уçиччен республика прокуроре, 2 класс патшалăх юстици канашçи Василий Пословский вĕренӳ заведенийĕнче юридици факультечĕн вĕрентӳ программине пурнăçа кĕртессине тивĕçтернипе паллашнă, ĕç-хĕле пысак хак панă.
Тĕлпулура, тĕпрен илсен, коррупципе кĕрешмелли мерăсен тухăçлăхне ӳстерессипе çыхăннă ыйтусене пăхса тухнă, коррупци преступленийĕ тунă çынсен уголовлă еçесен тĕслĕхĕсем, коррупцие хирĕç тăрасси çинчен калакан саккунсене лайăхлатмалли çинчен калаçнă, хальхи вăхăтри çивĕч ытти ыйтăва сӳтсе явнă.
«Çавра сĕтел» ĕçне институт ректоре, истори наукисен докторĕ Валерий Андреев профессор, институтăн проректорĕсем юридици наукисен кандидачĕ Елена Антонова доцент, юридици наукисен докторе Михаил Кириллов профессор, Чăваш Республикин прокуратурин коррупципе кĕрешесси çинчен саккуна пурнăçланине тĕрĕслекен пай пуçлахĕ, юстици аслă канашçи Денис Васильев, ЧР прокурорĕн право тивĕçтерĕвĕ тата общественноçпа çыхăну йĕркелес енĕпе ĕçлекен аслă пулăшуçи, юстици канашçи Денис Антонов, ЧР прокурорĕн МИХсемпе хутшăну йĕркелес енĕпе ĕçлекен аслă пулăшуçи, юстици канашçи Алексей Якушевич, Шупашкарти коопераци институчĕн факультет тата колледж деканĕсем, преподавательсемпе студентсем хутшăннă.
Тĕлпулăва пĕтĕмлетнĕ май Чăваш Республикин прокуратурин аппарачĕн ĕçченĕсем институт студенчĕсен тата преподавателĕсен хальхи вăхăтра коррупци палăрăмĕсемпе кĕрешмелли мерăсене лайăхлатассипе çыхăннă ыйтăвĕсене хуравланă.
«Хыпар», № 140-141 от 14 декабря 2018 года